Salvatore Di Giacomo

Moderatori: juventina1978, Misscoty, birillino8

Rispondi
Avatar utente
birillino8
Sognatore
Messaggi: 2957
Iscritto il: dom feb 20, 2005 10:14 pm
Località: Genova

Salvatore Di Giacomo

Messaggio da birillino8 »

[align=center]Salvatore Di Giacomo

Immagine[/align]


Nato a Napoli nel 1860 (morì nel 1934), si iscrisse alla facoltà di medicina, ma smise subito di frequentarne i corsi, per dedicarsi al giornalismo e alla letteratura. Fu per qualche mese in Germania, da dove mandò al «Corriere del mattino» vari racconti fantastici, che ricordavano i racconti romanticisti tedeschi ma anche i racconti della scapigliatura. Autore di volumi eruditi, come la "Cronaca del teatro San Carlino" (1891), è stato un narratore discontinuo ma dai tratti estremamente delicati e toccanti: Minuetto settecentesco (1883), Pipa e boccale (1893), Novelle napolitane (1914), L'ignoto (1920). Nel suo teatro risalta l'elemento patetico: Malavita , pubblicata nel 1889 con il titolo "'O voto" e tratta dal racconto "Il voto", Assunta Spina (1909), Quand l'amour meurt (1911). I drammi sono ricavati da racconti o da un gruppo di sonetti, come A San Francisco . Vi è la tendenza a dilatare gli effetti, a prolungare le parti corali e i duetti delle confidenze, a rimandare il più possibile lo scioglimento del nodo tragico. L'esperienza narrativa e quella teatrale, con il loro realismo minuto o liricamente effuso, rimandano alla sua produzione in versi. Qui il dialetto, colto e letterario, assume il valore di testimonianza di un mondo che va scomparendo. Si ricordano 'O funneco verde (1886), Ariette e sunette (1898), Canzoni e ariette nove (1916). E' una poesia non priva di squilibri, di effetti facili, ma nelle sue «ariette» le «sensazioni labili e ineffabili» sono rese con un'arte raffinatissima che giunge a una musica più profonda e difficile di quella affidata al naturale andamento cantabile, a una specie di "metrica interna".
Avatar utente
birillino8
Sognatore
Messaggi: 2957
Iscritto il: dom feb 20, 2005 10:14 pm
Località: Genova

Messaggio da birillino8 »

[align=center]Pianefforte 'e notte

Nu pianefforte 'e notte
sona luntanamente,
e 'a museca se sente
pe ll'aria suspirà.

È ll'una: dorme 'o vico
ncopp' a nonna nonna
'e nu mutivo antico
'e tanto tiempo fa.

Dio, quanta stelle 'n cielo!
Che luna! e c'aria doce!
Quanto na della voce
vurria sentì cantà!
Ma sulitario e lento
more 'o mutivo antico;
se fa cchiù cupo 'o vico
dint'a ll'oscurità..

Ll'anema mia surtanto
rummane a sta fenesta.
Aspetta ancora. E resta,
ncantannese, a pensà[/align]
Avatar utente
birillino8
Sognatore
Messaggi: 2957
Iscritto il: dom feb 20, 2005 10:14 pm
Località: Genova

Messaggio da birillino8 »

[align=center]Era de maggio

Era de maggio e te cadeano ‘nzino
a schiocche a schiocche li ccerase rosse...
Fresca era ll’aria e tutto lu ciardino
addurava de rose a ciente passe.

Era de maggio — io, no, nun me scordo —
na canzona cantàvamo a ddoje voce:
cchiù tiempo passa e cchiù me n’allicordo,
fresca era ll’aria e la canzona doce.

E diceva. «Core, core!
core mio, luntano vaje;
tu me lasse e io conto ll’ore,
chi sa quanno turnarraje!»

Rispunnev’io: «Turnarraggio
quanno tornano li rrose,
si stu sciore torna a maggio
pure a maggio io stonco cca».

E so’ turnato, e mo, comm’a na vota,
cantammo nzieme lu mutivo antico;
passa lu tiempo e lu munno s’avota,
ma ammore vero, no, nun vota vico.

De te, bellezza mia, m’annamuraje,
si t’allicuorde, nnanze a la funtana:
l’acqua Ilà dinto nun se secca maje.
e ferita d’ammore nun se sana.

Nun se sana; ca sanata
si se fosse, gioia mia,
mmiezo a st’aria mbarzamata
a guardare io nun starria!

E te dico — Core, core!
core mio, turnato io so’:
torna maggio e torna ammore,
fa de me chello che buo’[/align]
Avatar utente
birillino8
Sognatore
Messaggi: 2957
Iscritto il: dom feb 20, 2005 10:14 pm
Località: Genova

Messaggio da birillino8 »

[align=center]Napulitanata

Uocchie de suonno, nire, appassiunate,
ca de lu mmele la ducezza avite,
pecché, cu sti gguardate ca facite,
vuje nu vrasiero mpietto m'appicciate?

Ve manca la parola e mme parlate,
pare ca senza lacreme chiagnite,
de sta faccella janca anema site,
uocchie belle, uocchie doce, uocchie affatate!

Vuje, ca nziemme a li sciure v'arapite
e nzieme cu li sciure ve nzerrate,
sciure de passione mme parite.

Vuje, sentimento de li nnamurate,
mm'avite fatto male e lu sapite,
uocchie de suonno, nire, appassiunate[/align]
Avatar utente
birillino8
Sognatore
Messaggi: 2957
Iscritto il: dom feb 20, 2005 10:14 pm
Località: Genova

Messaggio da birillino8 »

[align=center]A retirata

Gioia bella.
pe’te vedé
c'aggio fatto
nun può sapé!

Si putesse parlà stu core,
quanta cose vulesse di’;
ma, chiagnenno pe’ lu dulore,
io m’ ‘o scippo, pe’ n’ ‘o sentì!

Napule e nenne belle,
addio v’avimm’ ‘a di’...
Sentite ‘a retirata?
Ce n ‘ avimmo da trasi!

Dice ‘a gente
parlanno ‘e me,
ca si parto
mme scordo ‘e te!

A ‘sta gente stu core mio,
pe’ risposta tu fa’ vede’,
e dincello ca, si part’io,
tiene mmano nu pigno ‘e me.

Napule e nenne belle,
addio v’ avimm’ ‘a di’...
Sentite ‘a retirata?
Ce n ‘ avimmo da trasì!

Gioia bella,
te l’aggi’ ‘a di’
ca dimane
s’ha dda partì!

Statte bona, può sta sicura
c’ ‘a medaglia voglio turnà!
A stu core tiénece cura,
si nun torno nun ‘o jettà!

Napule e nenne belle,
addio v’avimm’ ‘a di’...
Sentite ‘a retirata?
Ce n avimmo da trasì[/align]
Avatar utente
birillino8
Sognatore
Messaggi: 2957
Iscritto il: dom feb 20, 2005 10:14 pm
Località: Genova

Messaggio da birillino8 »

[align=center]Catarì (Marzo)

Marzo: nu poco chiove
e n'ato ppoco stracqua
torna a chiòvere, schiove;
Ie ‘o sole cu ll’acqua.

Mo nu cielo celeste,
mo n’aria cupa e nera,
mo d’ ‘o vierno ‘e ‘tempeste,
mo n’aria ‘e Primmavera.

N'auciello freddigliuso
aspetta ch'esce o sole,
ncopp’ ‘o tterreno nfuso
suspirano ‘e viole...

Catarì, che vuò cchiù?
Ntienneme, core mio,
Marzo, tu ‘o ssaje, si’ tu,
e st’auciello song’ io. [/align]
Avatar utente
birillino8
Sognatore
Messaggi: 2957
Iscritto il: dom feb 20, 2005 10:14 pm
Località: Genova

Messaggio da birillino8 »

[align=center]Nuttata ‘e Natale

Dint’ a na grotta scura
Dormeno ‘e zampugnare:
dormeno, appese a ‘e mura,
e ronfeno, ‘e zampogne
quase abbuffate ancora
‘a ll’urdema nuvena;
e, ghianca, accumparesce e saglie ncielo,
dint’ ‘a chiara nuttata, ‘a luna chiena.

Dormeno: a mezzanotte
Cchiù de n’ora ce manca;
e se sparano botte,
s’appicceno bengala,
e se canta e se sona
per tutto ‘o vicenato…
Ma ‘o Bammeniello nun è nato ancora,
e nun s’è apierto ancora ‘o Viscuvato.

Fora, doppo magnato,
esce nfucata, ‘a gente:
ccà d’ ‘o viento gelato,
p’ ‘e fierre d’ ‘a cancella,
trase ‘a furia ogne tanto…

E c’ ‘o viento, e c’ ‘o friddo,
ncopp’ ‘a paglia pugnente, a ppare a ppare,
dormeno, stracque strutte, e zampugnare… [/align]
Avatar utente
birillino8
Sognatore
Messaggi: 2957
Iscritto il: dom feb 20, 2005 10:14 pm
Località: Genova

Messaggio da birillino8 »

[align=center]LASSAMMO FA' DIO...

'A dummeneca 'e Pasca
d' 'o mille e noveciento, 'o Pateterno
(ca s'è susuto sempe 'int' e primm'ore)
di buonissimo umore
se scetaie mmerz' 'e sette,
fece chiammà san Pietro e lle dicette:
- Pie', siente, stammatina
è na bella iurnata
e ll' aria è fina fina:
vurria fa na scappata
'n Terra... Che te ne pare?
- Mah! - dicette san Pietro -(santo napulitano e,
mparaviso,
capo guardapurtone)
-Mah... Lei siete il padrone!
Vulite vedè 'a Terra? E fate pure...
Però....... vedete... francamente, 'a Terra
è nu poco afflittiva.
V'avesse disgustà?...
- Ma che! Che dici!
Su, vèstiti! Scendiamo...
Dove ci fermeremo? Dove andiamo?...
Napoli!... Che? Ti pare?
- Eh! Sissignore:
se dice: Vide Napule e po' muore!
E senza perder tempo, llà ppe llà,
San Pietro se vestette comilfò:
nu pantalone inglese a quadrigliè,
nu gilè (comm' 'o pòrteno 'e cocò)
tutto piselli verdi in campo blu,
cappiello a tubbo, cravatta a rabà,
scicco stiffelio di color rapè,
e un piccolo bastone di bambù.
-Sto bene? -Elegantone!...
Andiamo dunque! - E ghiammo...
Quanto mme piglio 'e guante... -
Ed in un batterdocchio eccoli a Napoli,
in mezzo piazza Dante.
'O Patre Eterno vutaie li' uocchie attuorno,
scanzaie nu tramme, se mettette 'a lente,
e proprio come un semprice murtale,
(ma però con accendo forastiero)
dice: - Sai, caro, ma l' è mica male
questa vostra città! Mi fa piacere
assai di rivederla:
ci mancavo dal secolo passato...
Ma proprio ha molto, molto migliorato!
La statua qui davante
cosa l' è? L' Aligherio?...
- No - dicette san Pietro - Questo è Dante.
Grand' uomo... E questa sulla mano destra
è la famosa chiesa 'e San Michele:
quello è il Liceo Vittorio Emmanuele:
più sopra c' è il Museo. Questo, rimpetto,
è il caffè di Diodati.
Ce vulimmo assettà diece minute?
- Entriamo pure -. E 'o Signore trasette
in quelle belle sale ornamentate,
e san Pietro dicette al cammariere:
- Favorite due mezze limonate.
Erano 'e ddiece e mmeza
e 'a iurnata era bella. A mille a mille
passiaveno 'e ggente
pe mmiez' 'a strata e ncopp' 'e marciappiede;
e vedive mmiscate
femmene, uommene, grosse e piccirille
nutricce, serve, prìevete e surdate
Oh, qual vista gentile!
(dicette 'o Pateterno
pusanno o' cucchiarino).
Ma com' è che si dice,
caro quel mio Pierino,
che la Terra è infelice?
Ma guarda, guarda un po' che movimento,
che scena pittoresca e che allegria!
Via, son proprio contento...
Be'?... Pietro?... E parla, vecchio brontolone!
Non sei della mia stessa opinione?
Sì - rispunnette 'o viecchio -. e opera vosta
è certamente tutta chesta ccà:
certo: chi 'o ppo' negà?
Però... Vi siete presa 'a limunata?...
-SI, ho finito... - Embè, usciamo.
Signori, a tutti!... - Buona passeggiata!
-Dunque dicevi? - E c' aggia di'?... Guardate!
Tenite mente attuorno~... Che bedite?
Che ve pare?... Dicite. [/align]
Avatar utente
birillino8
Sognatore
Messaggi: 2957
Iscritto il: dom feb 20, 2005 10:14 pm
Località: Genova

Messaggio da birillino8 »

[align=center]'A carità

Dio guardaie - spaventato. Mmiez' 'a strata,
stuorte, struppie, cecate, giuvene e bicchiarielle,
guagliune senza scarpe,
vicchiarelle appuiate a 'e bastuncielle,
scartellate, malate,
e ciert' uocchie arrussute
chine 'e lacreme - e mane
secche, aperte, stennute...
-'A carità!...
Sta voce
e voce a centenara
sentette, 'a tutte parte,
disperate, strellà:
e quase lle parette
dint' a n' eco e 'a luntano,
sentì 'o stesso lamiento....
- 'A carità...
Cu na resella amara,
e allisciannose 'a barba a franciscana,
San Pietro suspiraie: -Nun c'è che fa'!...
Mo nu' ve frasturnate, sentite a me:
mo iammuncenno 'a ccà:
piuttosto quando siamo in Paraviso
se pe riparlerà...
-Come?... Non ho capito... -
'O Patre Eterno
capuzziava, parlava isso sulo,
teneva mente in aria... Tutto nzieme
fece segno c' 'a mano. E nu lenzulo
scendette sulla Terra lentamente,
lo stendettero a terra in piazza Dante
nu centenaro d' angele
tutte vestute 'e velo
nce ammuntunaino, dinto, 'e puverielle,
e s' 'e purtaino 'ncielo... [/align]
Avatar utente
birillino8
Sognatore
Messaggi: 2957
Iscritto il: dom feb 20, 2005 10:14 pm
Località: Genova

Messaggio da birillino8 »

[align=center]
A Mappata

Figurateve nu poco
sta mappata ca pe ll' aria
ogne tanto s' abbuffava,
se sbuffava - e viaggiava
ncopp ''o viento - chiena 'e strille,
chiena 'e ggente - Cchiù de mille!
Figurateve nu poco che nzalata e c' ammuina!
Chi chiagneva, chi rereva,
chi alluccava: « I' mo mm' affoco! »
Chi Cantava - chi chiammava:
-Neh, Totò!... - Peppì!... -Giova'!...
Donn' Aniè! - Don Ferdinà...,
-Mo addo' iammo?...- E ba nce o spia!...
-Chi s' 'a fatta 'a pippa mia?...
-Prufesso'!... -Pronto... - Addo' state?
-Sto cchiù ncoppa... - A voi! Sapete,
abbarate addo' sputate...
-Ma che ghiammo 'int' 'o pallone~~...
-Pe', tenisse nu muzzone?...
-Bu! bu! bu!...-Chi è?.. Passa llà!...
-Nun buttà!... -Sode cu 'e mmane!
-Neh, chiammateve a stu cane... »
Appena miso pede mparaviso
Il' angele mmiez' a Il' erba 'e na vallata
se fermaino mparanza
e pusaino 'a mappata,
ca pe dduie tre minute se muvette,
ruciuliaie pe terra e, tutto nzieme,
s' arapette essa stessa. E se sentette
'a voce 'e n' ommo ca diceva a li' ate:
- Uscite, miei signo', simmo arrivate!... [/align]
Avatar utente
birillino8
Sognatore
Messaggi: 2957
Iscritto il: dom feb 20, 2005 10:14 pm
Località: Genova

Messaggio da birillino8 »

[align=center]A tavuliata

Mmiez' a nu scampagnato, addo' nasceva
vicino a viuletta a margarita,
ncopp' a Il' èvera corta, ca luceva
comm ''o velluto nfuso,
quatto tavule, pronte
e apparicchiate a Il' uso
d' 'e meglie risturà,
pareva ca dicessero: - Venite!
Favurite a mangià!... -
E che ce steva esposto! 'A meglia carne,
'o meglio pesce, 'e frutte cchiù assurtite,
cchiù gentile e cchiù ffine:
'a mela, 'a pera, 'o fenucchiello, 'a fava,
'a nanassa, 'o mellone,
Il' uva, 'e nnoce, 'e bbanane, 'e mandarine,
e tutto 'o bbene 'e Dio fore staggione.
Vine paisane, e vine mbuttigliate
col sùvero d' argento e l' etichetta,
liquori delle frabbiche premiate,
curassò, strega, cùmmel e anisetta:
e in mezzo a questi (pe fa na surpresa
a quacche puveriello furastiero)
preffino il vischisodo a marca inglesa!
Avite ntiso maie
Miseria e nubilta'.~
Ve ricurdate quanno Sciosciammocca
e chill' ati stracciune,
con l' acquolina in bocca
guardano ncopp' 'a tavula 'e mangià
chella bella zuppiera 'e maccarune?
Non vi dico altro.Pe quase mez'ora
Ato nun se sentette
(mmiez'a tutta sta gente
ca mangiava, bbeveva,
e sciglieva a piacere)
ca 'o ru mmore d' 'e piatte e d ' 'e furchette
e 'o drì ndrì d' 'e butteglie e d' 'e bicchiere..
E all'urdemo d' 'o pranzo
(nu poco fatto a vino)
s'aizaie nu cecato
'e na trentina d'anne.
Doie tre vote tussette,
s' adderezzaie, sputaie, fece n'inchino,
e stu brinnese, a voce auta, facette: [/align]
Avatar utente
birillino8
Sognatore
Messaggi: 2957
Iscritto il: dom feb 20, 2005 10:14 pm
Località: Genova

Messaggio da birillino8 »

[align=center]'O brinnese

Cumpagne e care amice! Premmettete
c' a stu bello signore,
ca nce ha fatto l' onore
'e ce mmita' cca' ncoppa
a bèvere e a mangia',
io gli rivolgio nella sua presenza,
come attestato di ricanoscenza,
quatto parole p' 'o ringrazià!
Grazie, grazie, signo' ! ... Grazie! Vv' 'o dico
a nomme 'e tutte chiste sfurtunate,
ca se so' saziate,
e ca p' 'a primma vota,
senza stennere 'a mano,
mmiez a ll' aria addurosa 'e stu ciardino
hanno pruvato 'o broro, 'a carne, o vino!...
Ccellenza! E cumpatite sti pparole,
ca so' napulitane
e nun so' ttaliane
comrne ve mmeretate!
Io nun aggio pututo sturià!
Nun me pozzo applicà!...
Guardate!... Io nun ce veco! 'A che so' nnato
io nun beco a nnisciuno!...
So' cecato, guardate... So' cecato !
Ccellenza, e che piatà!... -
'A voce lle mancaie. Chiagneva...
'A mano ca teneva 'o bicchiere
s' acalaie chiano chiano
e 'o pusaie ncopp' 'a tavula. Isso stesso
comme si 'o vino 'o fosse risturbato,
se chiaie lentamente 'nt' 'e ddenocchie,
e, cadenno assettato e abbandunato,
fissaie dint' 'o bbacante 'o gghianco 'e ll'uocchie...[/align]
Avatar utente
birillino8
Sognatore
Messaggi: 2957
Iscritto il: dom feb 20, 2005 10:14 pm
Località: Genova

Messaggio da birillino8 »

[align=center]Nonnanonna

-Oi suonno, Suonno!...
Suonno, ca te ne parte 'a Il' uriente,
e nun t' abbence prencepe o rignante,
oi Suonno, e vienetenne lentamente,
e, mponta 'e pede, férmete ccà nnante...
E, si si' piatuso e si' putente,
stienne sta mano, e adduorme a tuttuquante...
Vienece, suonno!...
Te manna San Giuseppe 'a Bettalemme,
e, sotto 'a porta, chi te mmosta a via
cu nu ramo 'e viole, è 'a Vergene Maria...
(E chi te chiamma ccà, Suonno, tu 'o ssaie,
so' chille ca cuntente
nun se scetano maie...).
Vienece Suonno!.
tu nchiudele Il' uocchie doce doce,
cornm ''e nchiudiste a Giesù Cristo ncroce...)
'O Suonno s' accustaie... Ma n' ombra nera
Ile cammenava appriesso,
n' ombra longa e liggiera,
- c' appena isso 'a vedette e se fermaie-
s' acalaie, Il' afferraie,
s' 'o strignette int' 'e bbracce forte forte
e, cu nu filo 'e voce, lle dicette: « Vattenne!
Famme passà. So' 'a Morte... »
-E mo che dice?... - dicette a San Pietro
'o Patre Eterno - Guarda!
Nun è meglio accussì? Tutta sta gente,
turmentata e nnucente
ncopp' 'a Terra che turnava a fa?.
Doppo n' ora felice c' ha passata,
guarda, è passata 'int' 'a l' eternità...
-Là!... Guardate!... Là... là!...-c' a mano stesa
e trattenenno 'o sciato,
san Pietro lle mmustaie ca quaccheduno
ch' era rummaso aizato
mo se vutava attuorno - e se muveva...
-Là!... Na femmena!...
E chella,
comme fosse mpazzuta,
cammenava, curreva,
nciampecava e cadeva,
e s'alzava... E fuieva...
Chiammatela! Addo' va?!...
-Zitto... - dicette 'o Padre Eterno -Zitto...
Lass' 'a fa... lassa 'a fa..'.
Cade 'a cielo, 'a mammarella,
puverella, puverella...
Curreva, fuieva
pe nnanz''e cumpagne passanno,
(ca nun se muvevano cchiù)
sperduta, - abbeluta,
chiagnenno, tremmanno,
mpauruta, sbattuta,
curreva, curreva 'int' a ll' ombre
e dint' 'o silenzio d' 'a sera,
Nannina 'a pezzente...
E, senza sapè cchiù addo ieva
curreva, curreva...
Nfi a che - tutto nzième -
Uh Dio!... se sentette
manca' sott' 'e piede 'o tterreno.
E 'a cielo cadette...
Scinne, scinne, puverella
ca - 'int' 'a notte chiena 'e stelle -
na palomma e notte pare
cu nu triemmolo 'int' 'e scelle..
Scinne nterra, palummella,
passa 'e monte, passa 'o mare,
vola, sciulia, scinne... Va,
ll' aria è 'a toia. Te porta 'o viento
si te stracque e t' abbandune
Quanta miglie staie facenno?
Nu minuto e nne faie ciento -
e quant' ate, p' arrivà!...
Ma mo luceno, 'a luntano,
luceluce a mmeliune...
E so' lume... E 'a luna, 'a luna
gia' fa 'o mare nnargentà...
Scinne - scinne... Si' arrivata...
Guarda... 'A 'i'lla... Napule! 'A 'i' llà!...
Maronnarè, ringrazia Dio...
Nanninella 'a pezzente
guardaie ccà, guardaie lla', s' urizzontaie,
e truvaie finalmente
'a via d' 'a casa soia.

Sunava Il' una
a Sant' Eliggio. E dint' 'o vico scuro
sciuliava ncopp' 'o muro
nu raggio 'e luna.
- Ninno!
Ninno!
Sto ccà!... Mamma è turnata!...-
E 'a porta, mez' aperta e meza nchiusa,
e nu vascio vuttaie cu na spallata.
Trasette 'e furia. Currette addò steva
nu piccerillo dint' a nu spurtone...
s' acalaie... Chillo povero guaglione,
c' appena appena teneva nu mese,
sennuzziava, cu 'e manelle stese...
Lassammo fa' Dio...
Nanninella 'a pezzente
ll' arravugliaie dint' a nu sciallo viecchio,
s' 'o pigliaie mbraccia - s' 'o strignette mpietto,
e dint' 'o chiaro 'e luna,
e asciuttannose ll' uocchie a 'o mantesino,
lle dette latte e - s' 'addurmette nzino... [/align]
Avatar utente
birillino8
Sognatore
Messaggi: 2957
Iscritto il: dom feb 20, 2005 10:14 pm
Località: Genova

Messaggio da birillino8 »

[align=center]A cuntrora

Sto menato ncopp' 'o lietto,
sto guardanno nnanze a me,
tengo 'o sole de rimpetto,
dinto 'o core tengo a tte!

Sento 'e vvoce d' 'a cuntrora,
sento 'a gente cammenà,
nu rilorgio sona ll'ora
nu guaglione chiamma: "Oi ma'!".

Tu che faie? Forse 'e nucelle
spuzzulìe sott' 'e perziane,
o fatiche, a tummarelle,
nu merletto o nu volà...

E accussì 'mme miette 'ncroce,
c' 'o merletto e cu' e nucelle,
e pazzie cu' 'e tummarelle
comme faie pure cu me...

Ah! putesse io nu mumento
farte chello ca 'mme faie,
darte 'a smania ca mme sento,
farte chiagnere pe' me!

E menato ncopp' 'o lietto,
guardo, guardo nnanze 'a me...
tengo 'o sole de rimpetto,
dint' 'o core tengo a tte![/align]
Rispondi

Torna a “Poeti Italiani”